Fara í efni  

Dagskrá

Sunnudagar

Samkoma kl. 17 (ATH. ekki alla sunnudaga)

Góð stund þar sem tónlistin, í umsjón hjónanna Tiiu og Risto Laur, spilar stórt hlutverk. Ræða, fyrirbæn, vitnisburðir og Biblíulestur. Kaffi og með því eftir samkomu. Allir eru hjartanlega velkomnir.

 

Mánudagar
Heimilasamband kl. 15

Heimilasambandið er hluti af kvennastarfi Hjálpræðishersins og á sér rúmlega aldarlanga sögu. Á fundum heimilasambandsins er hugvekja, söngur, saga, kaffi og góður félagsskapur. Við byrjum stundina á hádegismat. 

 

Þriðjudagar

Foreldramorgnar kl. 10-12


Fjölskyldustarf kl. 16-18

Leikir í barnastarfi.

Opið hús er sérstaklega hugsað fyrir börn á grunnskólaaldri og fjölskyldur þeirra en allir eru velkomnir. Hugvekjur, leikir, söngur, föndur og fleira skemmtilegt. Alltaf er heitt á könnunni og svo endum við á því að borða saman einfaldan kvöldmat. Góð stund fyrir alla fjölskylduna.

Unglingastarf kl. 20-22

Starfið er fyrir unglinga í 8. bekk og eldri. Rólegar og heimilislegar stundir þar sem áhersla er lögð á jákvæðan félagsskap og allir fái að vera þeir sjálfir. Við ræðum trúmál og lesum í Biblíunni, förum í leiki og skemmtum okkur saman.

 

Miðvikudagar
Bæn og matur kl. 11

Byrjað er á bænastund kl. 11 þar sem við biðjum fyrir innsendum bænaefnum og öðru sem okkur liggur á hjarta. Eftir bænastundina borðum við saman góðan hádegismat.

 

Fimmtudagar

Morgunkaffi kl. 10

Heitt á könnunni, lummur eða annað bakkelsi, spjall og notaleg samvera. 

Handavinnu- og spilakvöld kl. 19:30

Á fimmtudagskvöldum hittist fólk á öllum aldri og af ýmsum þjóðernum. Kvöldin eru bæði fyrir handavinnusnillinga og þau sem eru að stíga sín fyrstu skref, spilasnillinga og nýgræðinga. Þau sem mest kunna aðstoða þau sem hafa minni þekkingu. Kaffi á könnunni og góður félagsskapur. 

 

Sjúkrabílabangsar sem urðu til í prjónahópnum í Akureyrarflokki.