Hjálpræðisherinn á Akureyri

Hjálpræðisherinn á Akureyri flutti í byrjun árs 2022 í nýtt húsnæði að Hrísalundi 1 a. Miklar endurbætur hafa á síðustu mánuðum verið gerðar á húsnæðinu svo það henti starfsemi Hjálpræðishersins betur. Sem dæmi má nefna lyftu til að bæta aðgengi fyrir hreyfihamlaða. Hægt er að leigja salinn fyrir veislur og viðburði.

Herdís Helgadóttir sér um vikulegt starf á Akureyri og Lára Ósk Hlynsdóttir sér um æskulýðsstarf flokksins. Lárus Óskar Sigmundsson, foringi, starfar á Akureyri eina viku í mánuði, sér um sunnudagssamkomur og annað starf flokksins meðan á dvölinni stendur. Samkomur eru haldnar fyrsta sunnudag í mánuði.

Í Hjálpræðishernum á Akureyri er rík hefð fyrir barna- og unglingastarfi. Á dagskrá flokksins er eitthvað fyrir alla aldurshópa og alla fjölskylduna. Á mánudögum er kaffi kl. 11 og á þriðjudögum eru sannkallaðir fjölskyldudagar þar sem dagurinn byrjar á krílasöng (lokað námskeið), þá er fjölskyldustund eftir vinnu/skóla og kvöldið endar á unglingafundi. Bænastundir eru í hádeginu á miðvikudögum og á fimmtudagskvöldum er prjónahópur og eldri unglingar hittast á föstudagskvöldum. 

Hjálpræðisherinn á Akureyri er á Facebook og á Instagram undir notandanafninu herinnak.

Hjálpræðisherinn á Akureyri er aðili að Velferðarsjóði Eyjafjarðar. Nánari upplýsingar um sjóðinn og velferðaraðstoð má nálgast hér. Einnig geta einstaklingar leitað til Hjálpræðishersins á Akureyri til að fá úthlutað inneignarkorti í Hertex. 

Dagskrá Akureyrarflokks má nálgast hér.

 

Hægt er að bóka viðtalstíma hjá foringja hér að neðan: