Hjálpræðisherinn á Akureyri

Hjálpræðisherinn á Akureyri hefur flutt í nýtt húsnæði að Hrísalundi 1 a. 

Hjálpræðisherinn á Akureyri var stofnaður árið 1904 og starfsemin er að Hrísalundi 1a. Húsið er opið mánudaga til fimmtudaga kl. 10-14, þá er heitt á könnunni og starfsfólk á staðnum. Auk þess er dagskrá flesta daga vikunnar. 

Miklar endurbætur hafa á síðustu mánuðum verið gerðar á húsnæðinu svo það henti starfsemi Hjálpræðishersins betur. Sem dæmi má nefna lyftu til að bæta aðgengi fyrir hreyfihamlaða.

 -------------------------------------------------

Herdís Helgadóttir sér um flokksstarf á Akureyri, Særún Emma Stefánsdóttir er verkefnastjóri velferðarsviðs og Lára Ósk Hlynsdóttir sér um æskulýðsstarf flokksins. 

Í Hjálpræðishernum á Akureyri er rík hefð fyrir barna- og unglingastarfi og heimilasambandið á sér einnig langa sögu. Á dagskrá flokksins er eitthvað fyrir alla aldurshópa og alla fjölskylduna. Á þriðjudögum eru sannkallaðir fjölskyldudagar þar sem dagurinn byrjar á foreldramorgni, þá er fjölskyldustund eftir vinnu/skóla og kvöldið endar á unglingafundi. Bænastundir eru í hádeginu á miðvikudögum og á fimmtudagskvöldum er prjónahópur. Veturinn 2022-23 verða ekki vikulegar samkomur á sunnudögum heldur mánaðarlegar. 

Hjálpræðisherinn á Akureyri er á Facebook og á Instagram undir notandanafninu herinnak.

Dagskrá Akureyrarflokks má nálgast hér.